Posjeta učenika OŠ "Hajro Šahmanović" botaničkoj bašti "Velemun"

PLAV- Dana 10.06.2019 godine učenici šestog razreda OŠ „Hajro Šahmanović“ održali su čas u prirodi i tom prilikom su posjetili botaničku baštu „Velemun“ u Brezojevicama sa svojom nastavnicom biologije Samkom Kandić.

OŠ "Hajro Šahmanović"

Botanička bašta „Velemun“ u Plavu djelo je bišeg nastavnika Milutina Mića Praščevića, koji je strpljivo i sa mnogo ljubavi sakupljao biljke i presađivao ih u svoju baštu, koja sada broji 350 vrsta o kojoj je i govorio učenicima.

OŠ "Hajro Šahmanović"

Među brojnim vrstama koje rastu na našim prostorima postoje i biljne vrste koje još uvijek nisu potpuno klasifikovane. U bašti rastu Munika,Molika,Blečićeva Vulfenija,Božur kao i ljekovita biljka Ginko Biloba-živi fosil,čije je prirodno stanište jugoistočna Kina,koja je svoje mjesto našla i u botaničkoj bašti nastavnika Praščevića. Profesorica Samka Kandić je istakla da su učenici bili veoma zainteresovani za ljekovita svojstva biljaka koje rastu u ovoj botaničkoj bašti pa su obećali da će se odnositi s poštovanjem prema biljkama i prirodi u kojoj žive.

OŠ "Hajro Šahmanović"

IZVOR: OŠ "Hajro Šahmanović"